أحمد حسن يشيد بـ"الممر": "عرف أولادي شرف الدفاع عن العرض والأرض"
أحمد حسن يشيد بـ"الممر": "عرف أولادي شرف الدفاع عن العرض والأرض"
أشاد أحمد حسن، نجم الأهلي والزمالك السابق والمنتخب المصري، بفيلم "الممر" للمخرج شريف عرفة، وبطولة الفنان أحمد عز، عبر صفحته الشخصية بموقع "فيس بوك".
وكتب "حسن" منشوراً، قائلا: "تحية لكل صناع فيلم الممر، أنا مش من هواة دخول السينما، لكن أنا أصريت إني أدخل الفيلم ده أنا وأولادي علشان يعروفوا ولو جزء بسيط من تاريخ بلدهم، والتضحية والانتماء والحب لبلدهم ويعرفوا يعني إيه جيش بلدهم من أصغر واحد لأكبر واحد وشرف الدفاع عن العرض والأرض ومين العدو الأكبر لكل دولنا العربية ويعرفوا يعني إيه مرارة الانكسار ومن بعدها فرحة الانتصار".
وأضاف: "فعلا محتاجين كل شوية حاجات من النوعيات دي علشان نعلي الهمة ونعرف الأجيال الحالية يعني إيه الانتماء وحب للوطن بدلا من الابتذال دون رسالة هادفة واللي بيمحي الهوية، فيلم عاد لأذهاننا رأفت الهجان وعمر المختار والغريب والرصاصة لا تزال في جيبي، دي رسالة الفن الهادف اللي بتعرفنا ولو جزء بسيط من تاريخ بلادنا، تحية لكل من ضحى ومازال يضحي من أجل الدفاع عن هذا الوطن".
