إشادات بمسلسل "بركة".. وكمال زاخر: "عمرو سعد رد اعتبار الدراما"
إشادات بمسلسل "بركة".. وكمال زاخر: "عمرو سعد رد اعتبار الدراما"
أشاد عدد كبير من رواد مواقع التواصل الاجتماعي، بمسلسل بركة للنجم عمرو سعد، والمعروض على فضائية cbc، حيث تصاعدت وتيرة الأحداث في الحلقتين الثالثة عشر والرابعة عشر، عقب وفاة والد بركة ضمن أحداث العمل.
وأشاد كمال زاخر المفكر القبطى، بالمسلسل عبر صفحته الرسمية على فيسبوك، قائلا:"عمرو سعد رد اعتبار الدراما بمسلسل بركة".
كما نشر الروائي عبد الصبور بدر، منشورا على صفحته الرسمية بـ"فيس بوك"، يوضح الفرق بين الجلباب الصعيدي في مسلسل بركة للنجم عمرو سعد، ومسلسل ولد الغلابة للنجم أحمد السقا.
وكتب الروائي: "شخصية الصعيدي في الدراما زي الجلابية الصعيدي، لو الممثل درس ملامحها الداخلية هتبقى مظبوطة عليه وهتاكل منه حتة زى عمرو سعد في مسلسل "بركة"، ولو اكتفى بإكسسواراتها الخارجية هتبقى واسعة عليه ويبان فيها زي خيال المآتة زي أحمد السقا في "ولد الغلابة".
وفي منشور آخر كتب عن علاقة الفنان أحمد حلاوة بالمسلسل قائلاً: "امبارح كلمت عمنا أحمد حلاوة عشان أهنيه بنجاح "بركة"، قال لي: أنا عملت أدوار صعيدي كتير بس أظن الدور ده هيعلم مع الناس.. قلت له: والله يا عم حلاوة أنا بتفرج كل يوم على مبارزة بين الممثلين.. كلكم ما شاء الله حاجه تفرح .. قالي: عمرو سعد ده فنان محترم جدا.. قلت له: اشمعنا؟.. قالي: في مشهد بيني وبينه وفي كلمة أنا بقولها والمخرج جاب الكلوز عليه، هو ما بيتفرجش، بس حاطط واحد في المونتاج من طرفه بيفهم، لما عرف بالحكاية دي طلب يعيد تظبيط المونتاج بحيث الكلوز يبقى على وشي أنا، يبقى محترم ولا مش محترم؟، قلت له: محترم طبعا، وفنان عبقري كمان قالي: النجوم الكبار بيبقوا دايما عايزين التركيز يبقى عليهم في الكاميرا، إلا عمرو سعد، بيدي كل واحد حقه".
