بريد الوطن| تراب الأرض
بريد الوطن| تراب الأرض
مَليت الدنيا قول وكلام
وعشت الدنيا طولها وعرض
وحَبَّكْ ناس وكرهك ناس
وبتفكَّر مِلِكْت الأرض
تدوس الناس وتسرق ناس
ومستشيخ مصلِّى الفرض
كأن الدنيا ليك دايمة
ولا قيامة فى يوم قايمة
ولا لحظة تفارقك روح
وهتفرفر كما المدبوح
وتتمنى رجوع لحظة
وبعد النار ما وفقت لك
ومن حلقك بتخرج روح
خلاص هتروح
ولا نافعك عَرَضْ دنيا
ولا ضمَّك خلاص غيره
تراب الأرض
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
