بريد الوطن| اللى زيك
بريد الوطن| اللى زيك
اللى زيك لو قابلته!!!
إيه المكان المفترض ألقاكى فيه؟!
نروح كافيه؟!
واطلب الأشواق عصير
ليكى انتى تشربيه
وأملا من أحلام عنيكى
ليّا مج النسكافيه
والا ندخل سينما مرة
وأما يطفوا النور علينا
تبعتى شمس المجرة
واقطف الدمعة اللى نزلت فوق خدودك لؤلؤة
فوق صدفة حرة
والا أقولك
همشى بيكى كل شارع ف المدينة
تبتسم ليكى البيوت
وترقص الأرض الحزينة
لما يعزفنا المطر
والسحاب هيغنى لينا
اللى زيك لو قابلته
مستحيل ألقاه هنا
انتى عايزة حضن جنة
فيها عدى الأنبيا
لو جمعنا قدرنا يوم
هخدك وأزور الأوليا
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
