هيثم عرابي: "أي مشجع للزمالك يتمنى ابنه يلعب للأهلي"
هيثم عرابي: "أي مشجع للزمالك يتمنى ابنه يلعب للأهلي"
قال هيثم عرابي مدير التعاقدات في النادي الأهلي سابقا: "مفيش لاعيب في مصر ميتمناش يلعب في النادي الأهلي وأتحدى".
وأضاف "عرابي"، خلال لقائه مع الإعلامي أسامة كمال برنامج "مساء dmc" المذاع عبر فضائية "dmc"، أنه اتخذ قرار هام في حياته: "انا واخد قرار في حياتي بخصوص الزمالك وان عمرك ما هتسمع كلمة وحشة مني عن الزمالك وأنا أصحابي كلهم زملكاوية".
وقال الإعلامي أسامة كمال، إن أي شخص يشجع نادي الزمالك يتمنى أن يلعب نجله الموهوب رياضيًا في الزمالك، ورد عليه هيثم عرابي: "هيبقى عايز يلعبه في الأهلي علشان يبقى سعيد طول حياته ودي حقيقة حتى علشان خاطر البطولات".
وتابع: "في مصر معظم اللاعيبة بتتمنى تلعب للأهلي وأي صفقات راحت أندية تانية يبقى الأهلي مش عايزها أو اتأخر والصفقات في إيدك في الأهلي لحد ما بتروح منك".
