والدة ضابط الرحاب ضحية الكلاب لـ"السيسي": "ابني بيتعافى برعايتك"
ضابط الرحاب
كشفت الحاجة سلوى ياسين، والدة الضابط عمرو، أخر ضحايا الكلاب الضالة المفترسة بالرحاب، عن مستجدات حالة نجلها الصحية، حيث ذكرت إن صحة نجلها تتحسن ولكن حالته النفسية صعبة، مؤكدة أن نجلها يعاني من كسر في القدم وتشوهات في الوجه، ويحتاج إلى عملية ستؤثر على حركته لعدة أشهر.
وأضافت ياسين، خلال مداخلة هاتفية في برنامج " 90 دقيقة"، المذاع عبر فضائية "المحور"، مع الإعلامية جيهان لبيب، :" اعتدى عليه كلبين غير طبيعيين، منهم لله اللي بيربوا كلاب عشان يتعايقوا ويتباهوا، اللي عاوز يربي كلب يربيه بعيد عن البشر في الصحراء".
ووجهت حديثها للرئيس عبد الفتاح السيسي باكية: " يا سيسي الحق أمك، قلبي بيوجعني، ابني بيتعافى برعايتك يا سيسي، وفاهمة إنك مش ساكت ومش هتسيب ابن من أبنائك يروح ضحية كلب"، مستطردة: " لم ولن أتنازل عن حق ابني، ربنا ما يكتب على حد اللي فينا، قلبي واجعني وبيتقطع على ابني، كبرت ابني وربيته من أجل مصر، مايرضيش حد إللي ابني البطل ده فيه".
وتابعت:" ياريت مجلس النواب يبقى مجلس الشعب زي زمان ويصدر قرار لصالح الشعب في هذا الأمر، إحنا مرعوبين، الحقوا مصر قبل الكارثة ما تزيد".