ورشة ميكانيكا متنقلة: ليه تعطّل الطريق لما ممكن تصلحها فى نص ساعة؟!
ورشة ميكانيكا متنقلة: ليه تعطّل الطريق لما ممكن تصلحها فى نص ساعة؟!
- البيع والشراء
- صيانة السيارات
- كورنيش النيل
- مهندس ميكانيكا
- ورشة ميكانيكا
- البيع والشراء
- صيانة السيارات
- كورنيش النيل
- مهندس ميكانيكا
- ورشة ميكانيكا
«ميكانيكى ديليفرى.. ورشة متنقلة»، شعار رفعه فريق متنوع من مهندسى ميكانيكا السيارات، محامين، عمال، وسائقين، لمساعدة من يتعرضون لحوادث على الطرق أو يواجهون أعطالاً مفاجئة فى السيارات بأماكن بعيدة عن ورش الميكانيكا: «بنحاول ننقذ أى حد على الطريق فى نطاق محافظتَى القاهرة والجيزة».
الفكرة خطرت أولاً ببال عدنان طمان، مهندس ميكانيكا، الذى قرر التعاون مع أصدقائه لافتتاح مشروع يهدف إلى نجدة المواطنين على الطرق بأسرع وقت وأقل تكلفة، ففى غضون نصف ساعة يصل الفريق لمن يطلب النجدة: «الفريق مكون من 50 شخصاً، عشان نقدر نغطى أماكن مختلفة، ونوصل للعميل فى أسرع وقت».
وبحسب «عدنان»، فإن الطريق الدائرى، كورنيش النيل، والتجمع الخامس، هى أبرز الأماكن التى يتلقون شكاوى بها بشكل يومى: «بحاول الأول أحل المشكلة مع العميل عن طريق التليفون، وأوجهه للقيام ببعض الخطوات، وفى أحيان كتيرة المشكلة بتنتهى، ولو المشكلة تحتاج لمتخصص بنروح للعميل، نصلح العطل فى المكان أو نبعت ونش يسحب العربية عندنا».
لا يقتصر عمل «عدنان» على ذلك فقط، ولكن يقوم كذلك بتخليص الإجراءات القانونية الخاصة بالسيارات: «أنا شريكى فى المشروع محامى بيقدر إنه يساعد العملاء فى خطوات استخراج الرخصة، ويقدم الكثير من الاستشارات القانونية الخاصة بعقود السيارات فى حالات البيع والشراء».
من محافظة الإسكندرية وحتى أسوان، يستطيع «عدنان» أيضاً تقديم المساعدات الخاصة بصيانة السيارات: «لو حد حابب الفريق بتاعنا هو اللى يكون مشرف على العربية من الألف إلى الياء بنساعده ونوصل له فى كل المحافظات».
