بريد الوطن| اقتل خوفك
بريد الوطن| اقتل خوفك
اقتل خوفك بقوة إيمانك
اقفل ف وش اليأس بيبانك
ماتكفرش بالمحاولة
ولو خسرت مليون جولة
طول ما ثابت إيمانك بالمولى
بكرة هيكون علشانك
ماتتسولش اهتمام من حد
ف زمنّا صعب إيد ليك تتمد
ماتسِبش الانتظار ينزل فيك هد
لَتلقى عمرك خانك
على ضعفك هب وثور
ليه تعيش له مأسور
ماتبنيش بينك وبين الحياة سور
ما تتنازلش فيها عن مكانك
ماتكونش لغيرك خيال
لَتعيش غارز ف الأوحال
كُن أنتَ مهما فيك اتقال
لوِّن حياتك بألوانك
ماتسِبش الشيطان يكون سيدك
ماتسلمش للى لليأس يعيدك
ماتفلتش حبل الأمل من إيدك
هيطرح أكيد بستانك
تَبِّت ف الخير حبالك
ولو الشر من كل اتجاه جالك
طول ما على الله تُكالك
تلقاه على زمنك عانك
مصطفى سيد عبدالسلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
