أحمد عيد: "أنا مبعملش حوارات ولا بطلع في برامج ومش حرك وتركيبتي كدة"
![أحمد عيد](https://watanimg.elwatannews.com/image_archive/840x473/11472577421548817158.jpg)
أحمد عيد
نفى الفنان أحمد عيد ما تم تداوله في أحد المواقع الفنية عن قبوله تخفيض أجره للربع من أجل المشاركة في الأعمال الفنية.
وقال عيد خلال لقائه مع سمر يسري في برنامج "حفلة 11" المذاع عبر فضائية "ON E" إنه ظل 4 سنوات بلا عمل في الفترة من 2012 إلى 2016 ولم يشارك إلا في مسلسل "صاحب السعادة" مع الفنان عادل إمام.
وتابع "عيد": "مفيش حاجة أنا حابب أعملها والحكاية مش عايزها تبقى أكل عيش ولو مفيش سيناريو كويس خليني قاعد لحد مالاقي عشان كدة ممكن أبقى مقل شوية".
وأكد "عيد" أنه لا يجري حوارات صحفية مع أحد "أنا مبعملش حوارات ولا بطلع في برامج وفيه ناس فقرية زيي مبتعرفش تتكلم عن نفسها" متسائلًا: "هو العالم العربي يعني مستني أخبار أحمد عيد" متابعًا: "الناس عندها مشاكل كتير وعندها أولويات أكتر".
وأضاف "عيد": "أنا مش حرك وتركيبتي كدة وأنا متصالح مع نفسي وشخص مسالم".