ليلى علوي لـ"رحمة خالد": جيتلك علشان أتصور معاكي وأبلغك تحية أسرتي
ليلى علوي
حلت الفنانة ليلى علوي ضيفة على رحمة خالد، أول مذيعة من ذوي القدرات الخاصة، في برنامج "8 الصبح" المذاع على قناة "dmc".
وقالت ليلى علوي خلال اللقاء إنها في فيلم "خرج ولم يعد" كان هناك مشهد مع يحيى الفخراني، وهي تفرجه على شجر الموز في أحد المشاهد، "وقعت في الترعة بهدومي في الشتاء في يناير"، وهو من أطرف وأصعب المواقف التي تعرضت لها أثناء التصوير.
وسألت رحمة خالد ليلى علوي عن ما إذا كانت تتصور في أحد الأيام أن تجلس أمام مذيعة من ذوي الإحتياجات الخاصة"، وردت ليلى علوي: "الحقيقة مفكرتش، بس عاوزة أقولك إني حواري معاكي كان من أصعب الحوارات اللي عملتها".
وأضافت علوي: "أول ما هشام سليمان كلمني، جيتلك على الرغم أنه يوم الجمعة ده بتاع البيت، بس جيتلك علشان أتصور معاكي وأقابلك، وأبلغك تحية أسرتي وأصحابي، وكل اللي بيشوفوكي معجبين بيكي".