السيسي: قولت عاوز حل لـ"زحمة إسكندرية" من 5 شهور
السيسي: قولت عاوز حل لـ"زحمة إسكندرية" من 5 شهور
قاطع الرئيس عبد الفتاح السيسي، الدكتور عبد العزيز قنصوة، محافظ الإسكندرية، أثناء حديثه بحفل افتتاح مشروع الإسكان بغيط العنب "بشاير الخير2"، بمحافظة الإسكندرية.
وقال السيسي، إن بحيرة المنزلة تحتاج 30 مليار جنيه لإعادتها، "ده علشان آلافي غلطة واحدة في مكان واحد، ونفس الكلام في إدكو ومريوط والتمساح"، "بنصلح كتير في اللي فاتنا.. بس مش معقول".
واستكمل السيسي: "صيانة وإحلال طلمبات الصرف الصحي بيحتاج فلوس كتيرة جدا"، "ده أمن قومي.. لو سكتنا البلد دي تتهد.. لازم نوقف الكلام ده".
وأشار السيسي: "علشان نحل زحام الإسكندرية محور الكورنيش وطريق أبو قير والمحمودية، ولما جينا نفكر في المترو قولنا نعلي الترام ونخلي تحته حركة، وقولت نفكر قطر أبو قير، نوصله لبرج العرب"، "أنا عاوزة أقول حاجة التوجيهات مش ملزمة للي أنا عاوزة أنا بلزم بنتائج الرئاسة.. بقالي 5 شهور طالب دراسة حل مشكلة إسكندرية والزحام بها"، "ولما قولت على الترام قولنا تكلفته كبيرة لأنه في منطقة الزحام، ووقت ما تجهزوا العرض هسمع منكو علشان نخلصوا".
ويفتتح الرئيس عبد الفتاح السيسي، اليوم الأربعاء، مشروع الإسكان بغيط العنب "بشاير الخير 2" بمحافظة الإسكندرية.
ويعد "بشاير الخير 2" هو المرحلة الثانية لاستكمال مشروع التطوير الحضاري لمنطقة غيط العنب، والتي شملت فيه المرحلة الأولى 1632 وحدة سكنية، ويتضمن إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع عدد من الخدمات والمحلات التجارية، وتم تجهيز جميع الوحدات السكنية وتزويدها بالأثاث وجميع الأجهزة اللازمة.
