السيسي: "لو الإسكان الاجتماعي مسبقش العشوائيات هنفضل نجري ورا بعض"
السيسي: "لو الإسكان الاجتماعي مسبقش العشوائيات هنفضل نجري ورا بعض"
قاطع الرئيس عبد الفتاح السيسي، الدكتور عبد العزيز قنصوة، محافظ الإسكندرية، أثناء حديثه بحفل افتتاح مشروع الإسكان بغيط العنب "بشاير الخير2"، بمحافظة الإسكندرية.
ووجه السيسي بحل أزمة الحديقة الدولية بالإسكندرية: "يا تتعمل عقود مظبوطة يابلاش منها خالص.. يتعمل حاجة تانية فيها"، وتدخل اللواء أحمد: "مشينا كل الناس اللي مدفعوش.. واللي قاعد قاعد بعقود جديدة لمدة 6 أشهر بقيمة إيجارية جديدة"، فرد السيسي: "يعني اللي فات مات؟"، "عاوز تقارير دورية.. ويا نآخد حقنا يابلاش".
وتحدث السيسي عن الصرف الصحي بالإسكندرية: "في 2015 حطينا مليار جنيه للموضوع ده.. من تحيا مصر"، ورد المحافظ: "المليار جنيه وصل 70 مليون جنيه لشركة الصرف الصحي، والمبالغ الأخرى لوزارة الري"، ورد السيسي: "الوقت ده محطات الرفع كانت عاوزة صيانة وإحلال وحطينا الرقم لحل المسألة، ولتعويض الناس، وقولنا الشنايش اللي كانت موجودة، ثم محطات وزارة الري وشيلنا العوائق للي كانت موجودة في مسار الترع، وكان في عمادن خرسان اتصب في الصرف والترع وده معناه غياب للدولة لمتابعة مرافقها، لدرجة إننا تصورنا إنه ده طبيعي، البناء مخالف والرفع مخالف".
واستكمل السيسي: "عملت بيت في مكان غير مخطط ومالهوش مرافق بتلزمني اعملك مرافق ليه.. عاوزين نراجع نفسنا.. مش هقدر ألاحقك لما تبني بشكل عشوائي.. أشرحوا للناس بردوا.. الدولة بتجري تلاحق التطور ده.. علشان كدا بقول لو الإسكان الاجتماعي مسبقشي العشوائيات هنفضل نجري ورا بعض كدا.. الناس تبني وإحنا وراهم.. والمحافظة والمحافظ ومدير الأمن والداخلية والقوات المسلحة معنية لحد ما نحقق الانضباط".
ويفتتح الرئيس عبد الفتاح السيسي، اليوم الأربعاء، مشروع الإسكان بغيط العنب "بشاير الخير 2" بمحافظة الإسكندرية.
ويعد "بشاير الخير 2" هو المرحلة الثانية لاستكمال مشروع التطوير الحضاري لمنطقة غيط العنب، والتي شملت فيه المرحلة الأولى 1632 وحدة سكنية، ويتضمن إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع عدد من الخدمات والمحلات التجارية، وتم تجهيز جميع الوحدات السكنية وتزويدها بالأثاث وجميع الأجهزة اللازمة.
