السيسي للأسر الكبيرة: قبل ما تجيب 6 عيال فكر.. تعمل في نفسك كدا ليه؟
السيسي للأسر الكبيرة: قبل ما تجيب 6 عيال فكر.. تعمل في نفسك كدا ليه؟
قاطع الرئيس عبد الفتاح السيسي، الدكتور عبد العزيز قنصوة، محافظ الإسكندرية، أثناء حديثه بحفل افتتاح مشروع الإسكان بغيط العنب "بشاير الخير2"، بمحافظة الإسكندرية.
واعترض السيسي على اللقطات التي تضمنها الفيلم التسجيلي الخاص بالمشروع للأسر التي تحدثت في الفيلم، ولديها عدد أبناء كبير: "أنا مش بعترض على حاجة.. بقول لكل أسرة اتكلمت بتقول عندي 6 هيناموا فين.. مش أنتي قبل ماتجيبي الـ6 تفكري هتنيميهم فين؟.. مش كدا برضو ولا إيه.. إحنا بنحل مسألة ولكن كلنا لازم نتوقف.. أنت عملت في نفسك كدا ليه؟".
وأضاف السيسي: "لو حد قالي متعملهومشي.. مقدرشي.. لازم أعملهم، بس معقول وأنت بتحكوا الحكاية بتتكلموا كأنه أنا مقصر في حقك.. ده أنت اللي مأثر في حق نفسك.. بقى أنت قاعد في أوضة تقوم تجيبي 4 هتصرف عليهم إزاي وتنيمهم فين، الكلام ده يتقال على أرض مصر".
ويفتتح الرئيس عبد الفتاح السيسي، اليوم الأربعاء، مشروع الإسكان بغيط العنب "بشاير الخير 2" بمحافظة الإسكندرية.
ويعد "بشاير الخير 2" هو المرحلة الثانية لاستكمال مشروع التطوير الحضاري لمنطقة غيط العنب، والتي شملت فيه المرحلة الأولى 1632 وحدة سكنية، ويتضمن إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع عدد من الخدمات والمحلات التجارية، وتم تجهيز جميع الوحدات السكنية وتزويدها بالأثاث وجميع الأجهزة اللازمة.
