السيسي يعترض على مقترح "بشاير الخير 6": "لو هتجيبوا الفلوس خلاص"
السيسي يعترض على مقترح "بشاير الخير 6": "لو هتجيبوا الفلوس خلاص"
قاطع الرئيس عبد الفتاح السيسي، الدكتور عبد العزيز قنصوة، محافظ الإسكندرية، أثناء حديثه بحفل افتتاح مشروع الإسكان بغيط العنب "بشاير الخير 2"، بمحافظة الإسكندرية، معترضا على إطلاق مشروع "بشاير الخير 6"، بعد أن اقترح المحافظ الاعتماد على رجال الأعمال والمجتمع المدني.
وقال السيسي: "بتقول ممكن نبدأ ده بالاعتماد على رجال الأعمال، بشاير الخير متكلفة كام لحد دلوقتي؟"، ورد المحافظ: "تكلفة بشاير الخير 1 و2 و3، 9 مليار"، وقال السيسي: "المجتمع المدني وتحيا مصر دفعت المبلغ ده أو هتدفعه؟"، وأضاف: "لأ، لكن لو أنت هتضمن ده خلاص، لو تضمن تجيب المبلغ ده خلاص.. إحنا أخدنا 600 مليار جنيه حتى الآن من وزارة الإسكان، وأنا بقول الكلام ده علشان أصلح الكلام".
وأضاف السيسي: "أه المجتمع المدني بيشارك معانا، والمجتمع المدني يقدر لو كل المجتمع المدني القادر ساهم معانا، لكن على أد المساهمات اللي وصلت الآن في 1 و2 و3 و5 المبلغ المنتظر من 7 لـ9 طيب اللي أتجمع كام؟".
ويفتتح الرئيس عبد الفتاح السيسي، اليوم الأربعاء، مشروع الإسكان بغيط العنب "بشاير الخير 2" بمحافظة الإسكندرية.
ويعد "بشاير الخير 2" هو المرحلة الثانية لاستكمال مشروع التطوير الحضاري لمنطقة غيط العنب، والتي شملت فيه المرحلة الأولى 1632 وحدة سكنية، ويتضمن إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع عدد من الخدمات والمحلات التجارية، وتم تجهيز جميع الوحدات السكنية وتزويدها بالأثاث وجميع الأجهزة اللازمة.
