رسائل أزواج لزوجاتهم في مسابقة "عمرو أديب": "حببتيني في الجواز لدرجة إني عايز اتجوز تاني"
رسائل أزواج لزوجاتهم في مسابقة "عمرو أديب": "حببتيني في الجواز لدرجة إني عايز اتجوز تاني"
أعلن الإعلامي عمرو أديب، تخصيص جائزة مالية قدرها 1000 جنيه، خلال حلقة الأحد، من برنامج "الحكاية"، المُذاع عبر فضائية "MBC مصر"، لصاحب الرسالة الأجمل الموجهة لـ"شريك حياة الفائز" بمناسبة العام الجديد.
وتابع: "هدفع من جيبي أنا شخصيًا، ويا خراب بيتك يا عمرو، الشغلانة واقفة على الواحد بخسارة، العيال مش هتاكل الشهر ده".
وتلقى أديب عدد من الرسائل الطريفة كما يلي:
ياسمين من القاهرة قالت: "عايز أوجه رسالة للي انا مرتبطة بيه اني هطلع عينك في 2019 عشان مطلع عيني هو كمان وانا مش مدياله فرصه".
وقال هشام من الجيزة موجهًا كلامه لحبه القديم بعد زواجه من أخرى: "عاوز أقول لكل حبي هحبك لو هتكوني مين، بس اوعي تقولي لي كلمة تجرح من الشفايف من العنين، امسحي دم جروحي اللي نزفت من سنين، عشان ابقى جدير بيكي وأقولك أنا أبقى مين، مش أبويا هو اللي كان، انتي عندي نبع الحنان، انتي عندي ذكرى وحنين، أوعي تسيبي قلبي الشارد واتمسكي بحبي الصاعد، صوتك عندي دايما وارد، والإمضاء هشام المسكين".
أحمد من القاهرة قال: "أنا بقول لمراتي كل سنة وانتي طيبة وربنا انتقم مني"، أما عبدالرافع فوجه رسالة لزوجته قائلًا: "انتي حببتيني في الجواز لدرجة اني عايز اتجوز تاني".
