بريد الوطن| رسالة عتاب
بريد الوطن| رسالة عتاب
بتقول تعبتك...
آدينى سيبتك..
ياريت تكون مرتاح...
بتقولى خونتك...
ده أنا اللى عرفتك..
وعرفت كمان قيمتى عندك..
وعرفت مين فينا باع..
وقدرت أفهم إن الماضى وعمرى كله راح...
بتقول آذيتك...
ده أنا اللى نسيتك..
عمرك اللى فات..
وقدمتلك حنانى علشان تنسى الجراح...
بنيتك واتبنيتك...
كأنك طفل وليد..
بعلمه إزاى يمشى.. وإزاى يتكلم..
وإزاى يحس.. وإزاى يقدر يتألم...
وإزاى يكون إنسان...
وإزاى يعدى ويرسى على الأمان...
كل اللى قدمتهولك...
وزمان وريتهولك....
أنكرته... وأنكرت كمان..
إزاى تكون إنساااان
سماح ذكى سلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
