السيسي: المشكلة مش في توفير احتياجات الناس.. لكن في تجهيزهم للغد
السيسي: المشكلة مش في توفير احتياجات الناس.. لكن في تجهيزهم للغد
قال الرئيس عبد الفتاح السيسي، إن المشكلة ليست في توفير احتياجات الناس، بل المشكلة في كيفية تجهيزهم للغد، ولو لم نجهز أولادنا وبناتنا لسوق العمل سنكون أجرمنا في حقهم.
وأضاف السيسي، خلال جلسة "كيف نبني قادة المستقبل؟" ضمن فعاليات منتدى شباب العالم، "بقول للحكومة الـ130 مليار اللي محتاجينهم للفصول علشان نصل لكثافة 40 طالب في الفصل، ومسار الإعداد لوجود تعليم محترم يليق بالمصريين، سيتحقق بالعمل والجهد مش بوزارة التعليم بس.. هنكمل ده إزاي؟".
وتابع: "موضوع المدارس اليابانية، وقفت وقولت تبقى بفلوس وناس عارضتني، قولتلهم مش هننجح، لو مكناش نعمل أسباب لعوامل النجاح مش حاننجح، أنا بتكلم معاكم على الهواء علشان أكون أمين ومخلص".
واستكمل: "الجامعات اللي بيتكلم عليها الدكتور خالد 22 جامعة، إنتم عارفين يعني إيه 22 جامعة؟ يعني بنتكلم في مليارات كتير، بقوله في سبتمبر 2019 يكون خلصنا، علشان الطرح يتحقق.. طب هيتحقق إزاي؟ أنا بتكلم علشان أسجل الكلام على نفسي وعلى الشعب المصري.. إنتم أكبر من إنه يتم الاستخفاف بكم وبقدراتكم، محتاجين تآلف الشعب، لا هي سلطة الرئيس ولا الحكومة، هي الدولة المصرية، ولازم نضحي علشان النتيجة تكون زي ما بتتمنوا".
