السيسي: البلاد تبنى بالمعاناة.. هنسيب أزمة التعليم وندور على البطاطس؟
السيسي: البلاد تبنى بالمعاناة.. هنسيب أزمة التعليم وندور على البطاطس؟
قال الرئيس عبدالفتاح السيسي، إنه كانت هناك حاجة لبناء 250 ألف فصل دراسي بتكلفة نحو 130 مليار جنيه، ضمن خطة نظام التعليم الجديد، مؤكدا أن تأجيل القرار للانتهاء منها خلال 3 أو 4 سنوات، سيحمل الدولة زيادة سنوية، ونصل لكثافة 40 طالب.
وأضاف السيسي، خلال جلسة "كيف نبني قادة المستقبل؟"، ضمن فعاليات منتدى شباب العالم: "التحدي كبير، والتحدي الأكبر عملية التعليم هتتم إزاي، بقولكم يامصريين قوقولي أعمل إيه، أحلها إزاي؟؟ التحدي هنكمله للنهاية، والقضية هنحلها بجد، ولازم كلنا نشوف حل ومعانا الحكومة".
وتابع السيسي ساخرا: "حانحل مشكلة التعليم ولا هندور على البطاطس؟ البطاطس، بـ 11 جنيه و12 جنيه".
واستكمل: "خلو بالكم من بلدكم، البلاد مبتتبنيش كدا، بتتبني بالمعاناة، حد خد الدكتوراة في الدول المتقدمة اللي فيها تجرد أو في جامعة أكسفورد مثلا وهو نايم؟ ما كانش بيسهر؟ ما كانش بيخس من المعاناة؟".
وأوضح الرئيس: "علشان نحل مسألة في الواقع الحالي، كل سنة 700 ألف بيخشوا المدرسة، نغطي متطلباتهم إزاي، المجتمع مشغول إزاي، نعمل قوانين تحل الموقف ده، مين يقولي أحل المسائل دي إزاي؟ اللي يقولي يتفضل ييجي جنبي وقبل مني، أنا بتكلم عن جزء واحد بس، أخلي الدكتورة هالة تتكلم عن الصحة؟".
وانطلقت فعاليات منتدى شباب العالم في نسخته الثانية بمدينة شرم الشيخ، السبت الماضي، بجلسة افتتاحية بمشاركة ما يزيد على 5 آلاف شاب وفتاة من مختلف دول العالم ممثلين لـ160 دولة حول العالم، وذلك برعاية وحضور الرئيس عبدالفتاح السيسي، على أن يُستكمل باقي الجلسات حتى الثلاثاء 6 نوفمبر 2018.
وتتضمن فعاليات المنتدى، لأول مرة، تجربة فريدة من نوعها بافتتاح مسرح شباب العالم ليكون ملتقى شبابيًا للفنون من مختلف دول العالم، وتستمر عروضه على مدار 3 أيام، إضافة إلى انطلاق راديو شباب العالم، تحت شعار "لنكسر حاجز الصمت"؛ بهدف إلى الاستفادة من التنوع الفريد والثقافات المختلفة عبر تقديم عدة برامج شبابية.
وضمّ جدول الجلسات -وفق ما أعلن عنه الموقع الرسمي للمنتدى- نحو 30 جلسة تتمثل في 18 محورًا، إلى جانب محاكاة القمة العربية الأفريقية، إضافة إلى حفلتي الافتتاح والختام، وورش العمل التي تسبق عقد المنتدى.
