بناءً على طلبات أولياء الأمور: كاميرات مراقبة فى المدارس لحماية الطلاب من العنف
بناءً على طلبات أولياء الأمور: كاميرات مراقبة فى المدارس لحماية الطلاب من العنف
- كاميرات مراقبة
- أولياء الأمور
- العنف فى المدارس
- سلوكيات العنف
- داخل المدرسة
- كاميرات مراقبة
- أولياء الأمور
- العنف فى المدارس
- سلوكيات العنف
- داخل المدرسة
«كاميرات المراقبة هى الحل»، شعار تبناه عدد من أولياء الأمور بعد حملات العنف التى تحدث بشكل شبه يومى فى المدارس، للسيطرة على سلوكيات العنف التى يمارسها الطلاب ضد بعضهم البعض خاصة فى ظل غياب الإشراف، أو التى يمارسها بعض المدرسين ويكون ضحيتها الطلاب.
سماح عثمان، ولى أمر، من محافظة الإسكندرية، خوفها على أولادها خلال فترة وجودهم فى المدرسة دفعها للمطالبة بتركيب كاميرات مراقبة بالفصول للاطمئنان على أبنائها داخل المدرسة الكائنة بمنطقة سموحة: «أنا بعلم أولادى فى مدرسة تجريبى لغات متميزة.. لكن كل ما حد منهم يحصل له حاجة ونروح المدرسة نشتكى يقولوا ابنكم هو السبب.. طب فين الدليل اللى بيثبت ده؟.. مفيش».
طرأت الفكرة لدى «سماح»، عندما وجدت بالصـدفـة مدرســة أخــرى بالمحافظة تركب كاميرات بكل فصـول وحجرات وممـرات المدرسة خلال رحلتهـا فى البحث عن مدرسة جيدة لأبنائها: «المديرة فى المدرسة دى بتشوف دبة النملة فى المدرسة.. والمدرسين بيلتزموا أكتر لأنهم متراقبين.. بيشرحوا أكتر والطلبة كمان بتلتزم».
منذ أن طرحت «أسماء» الفكرة على موقع التواصل الاجتماعى «فيس بوك»، فوجئت برفض من جانب بعض المدرسين: «فيه كتير منهم رفضوا مش عاوزين حد يراقبهم ولا يسجل لهم فى المدرسة.. بس أنا شايفة إن ده حق لأولياء الأمور فى ظل الكوارث اللى بنشوفها.. من حقنا نطمئن».
على الرغم من وجود كاميرا للمراقبة فى مدرسة أبنائها إلا أنها لم تُرضِها، جهاد حمدى، ولى أمر، غاضبة بسبب اقتصار كاميرات المراقبة فى المدرسة بحى السيدة زينب على رصد كل ما يحدث بالمدرسة وتوجيهه لغرفة المراقبة الموجودة بالإدارة المدرسية فقط: «هما بس اللى من حقهم يشوفوا كل كبيرة وصغيرة فى المدرسة، لكن مش من حقنا إحنا.. وأسهل حل عندهم لو فيه شكوى خد ملفك وامشى».. وبحسب محمد فوزى، رئيس مجلس الأمناء بمدرسة أبوبكر الصديق التجريبية ببورسعيد، فإن المدرسة ترفض تركيب كاميرات داخل الفصول: «الكاميرات فى الممرات فقط، إحنا مركبينها، ماينفعش فى الفصول؛ لأن فيه مدرسات منتقبات والمشاكل هتكبر»، حيث بلغت تكلفة تركيب نظام المراقبة بالمدرسة 35 ألف جنيه: «المدرسة هى اللى اتكفلت بكل مصاريفها من الميزانية». وتتراوح أسعار كاميرات المراقبة بين 3500 و9000 جنيه للكاميرا الواحدة بحسب حسين النحاس، مهندس شبكات، لاحظ إقبالاً كبيراً من جانب بعض الحضانات وبعض المدارس الخاصة والدولية على تنفيذ الفكرة لحفظ حقوق الطلاب: «معظم المدارس اللى بتجربها بيكون نظام مراقبة خاص بإدارة المدرسة.. بشتغل فى المجال بقالى سنة ونص وعملت نظام مراقبة فى أكتر من 30 مدرسة».
