بريد الوطن| لو بتحب مصر
بريد الوطن| لو بتحب مصر
اوعى تنكر إنك بتحبها
واوعى تنكر عشقك لكل رملة ف أرضها
واوعى تنسى دم الشهيد اللى بيروى رملها
وإياك تفكر إن فى غيرها يضمك حضنها
إياك تصدق أى خاين أكل من عيشها وسبّها
وإياك تصدق مكره ده قصده يهدها
ترضى أمك ييجى ديب ويهتك سترها
أو تبقى بنتك سبيه يداس على عرضها
أو تدى فرصة لنفس الخاين يقبض باقى سعرها
وانت اللى عارف قد إيه تمن كل رملة ف أرضها
ممكن نجوع ممكن نتوه وسط دربها
لكن مستحيل نرضى بشر يمسها
عشان خاطرها نحط إيدينا على كتفها
نبقى يمينها وشمالها وقدامها وخلفها
محمد الطرابيلى - المنصورة
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
