بريد الوطن| ذكريات
بريد الوطن| ذكريات
لما كنا صغيرين
وكنّا ببراءة الطفولة مستورين
ماكنش فيه قلق على أى حاجة
ولاخوف من السنـيـن
كان الزمان مالهوش نهاية
ماكنش فيه معنى للساعة كام
إلا بداية نور نهــار
أو لمّا الدنيا تلَيـّل
ويقولوا يابنى خش نـام
كانت الأحلام بتكبر
بكرة حابقى لمّا أكبر
أحلامنا كانت موش خيال
ماكنتش من فعل المنام
أيام زمان كان بيت العيلة الكبير
مليان أمان
موش معنى كبره يعنى وسعه
لكنه كبير بناسه
اللى بنوه بالحنان والمبادئ
من أســــاســــه
مرت سنين وسنين كبرتنا
وأغلاهم سافروا للأبد وسابوا تركة
يا آخرة دنيتنا أم العجايب
خلّى بالك من الحبـايب اللى راحوا
اللى خلّوا أيامنا الجميلة تبقى ذكرى
محمد عشماوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
