بريد الوطن| اضحك
بريد الوطن| اضحك
يمكن تكون ضحكتك
هى طاقة القدر ليك
أو تكون المركبة
لحظة غرق
أو تكون هى الأمل
اللى فاضل بين إيديك
أو تكون الصبح
شايل للوجع
من فوق كتافك
لجل ما يخف النهار مشيته
اضحك قبل ما يفوت الأوان
وتحس إنك كان زمان
وإن اللى فاضل من سنينك
يادوب خطاوى
اضحك يمكن تكون ضحكتك
بشرة الخير للى جاى
أو حتى ناى
تعزف عليه لحن الأمل
اللى نبت فوق جبينك
بين العرق والملح
اضحك يمكن تكون
ضحكتك، عزوتك
واللى فاضل للولاد
م الميراث الشرعى ليهم
لو لسه ليهم فيك ميراث
أشرف الشناوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
