موسى مهاجما إبراهيم نورالدين: "مهما تعمل الأهلي هياخد الدوري"

09:28 م | الاثنين 03 سبتمبر 2018

انفعل الإعلامي أحمد موسى، على الهواء، بسبب ما اعتبره ظلمًا تحكيميًا ضد النادي الأهلي، في مباراة الفريق بالأمس أمام الإنتاج الحربي، ضمن منافسات بطولة الدوري العام، والتي انتهت بالتعادل السلبي بين الفريقين.

وهاجم "موسى" خلال تقديمه برنامج "على مسئوليتي"، المُذاع عبر فضائية "صدى البلد"، إبراهيم نورالدين حكم المباراة، معتبرًا أنه تغاضى عن احتساب ضربة جزاء صحيحة كما ألغى هدفًا صحيحًا للفريق الأحمر بداعي التسلل.

وقال: "إبراهيم نور الدين ظلمنا في ضربة جزاء لو مش بيشوف كان حسبها، لو عينيه الاتنين شمال كان حسبها".

وأضاف: "معاذ الحناوي مسك أزارو مسكة راموس الجزار لصلاح، وده قدام الحكم بـ3 متر وحامل الراية بـ13 سم، كنت بتبص على إيه النجيلة وللا على اللاعب اللي اترمي واتمرمط بيه النجيلة قدام عنيكم .. ظلمة".

وتابع مقدم البرنامج موجهًا حديثه لحكم المباراة وقال: "مين الأوفسايد يا كابتن كنت بتحكم ماتش تاني؟!، بتظلموا الأهلي ليه عاوزين منه إيه".

وأكمل: "وبرضه هناخد الدوري، مهما تعمل هناخد الدوري دي بطولة مكتوبة باسمنا، ليه بتنكدوا علينا".

وأردف: "انت خايف من مين، المدافع كان ناقص يطلع سكينة لأزارو، هو عشان الخطيب مؤدب هتظلمونا، إحنا هندافع عن الأهلي، بلاش ظلم وإحنا الأبطال برضه".