بريد الوطن| لدواعى الهجر
بريد الوطن| لدواعى الهجر
لدواعى الهجر
هعرض للبيع كام بيت للشعر
وقصايد حب متشطبة لوكس
والبيع ع العام مش ف الإنبوكس
الحالة تمام.. فى يدوبك كسر
ف إزاز الروح.. شباك مجروح
بيعرى الحزن لسابع ستر
ومعاهم حلم.. وكمان للعلم
البيع للسرعة بأبخس سعر
مين قال أنا شارى
بالسعر الحالى
مين ياخد ليلى.. ويجيبلى الفجر
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
