بالفيديو| القصة الكاملة لـ"خطوبة مينا عطا" بعد 11 سنة حب وفراق

12:53 م | الخميس 09 أغسطس 2018

اختار الفنان الشاب مينا عطا، نجم "ستار أكاديمي" تاريخ أمس المميز8-8-2018، ليكون يوم خطبته وارتباطه بالفتاة التي يحبها منذ 11 عاما، واختار مينا ذلك التاريخ المميز، ليشارك جمهوره ومحبيه سعادته بعودته للفتاة التي كان يحبها منذ سنوات.

بدأ الفنان مينا عطا مشاركة قصته هو وحبيبته، مع أولى خطواته على طريق النجاح والشهرة منذ أن كان مشاركا في برنامج "ستار أكاديمي 10"، عام 2014، حيث كان كل طالب من المشاركين في البرنامج يروي في الفيديو التعريفي له أكثر الأشياء المؤثرة بحياته.

واختار، وقتها، مينا عطا، أن يحكي قصته مع الفتاة التي يحبها، ولكنهما في ذلك الوقت كانا قد انفصلا، وقصَّ مينا سبب الانفصال في ذلك الوقت.

وقال مينا، في الفيديو: "هي مكانتش حابة إني أغني، لأنها بتغير عليا بزيادة، وشايفة إني شغلي بياخدني منها كتير.. وكان كل يوم خناقات، وقررت إنها تبعد وبعدت".

وأضاف مينا: "جربت كتير إنها ترجع وأكلمها، بس خلاص هي عاوزة كدا، فعملتلها اللي هي عاوزاه.. هي مش من النوع اللي لو شافتني لو هتشهر وبقيت حد معروف وصوتي يتسمع والناس بدأت تشوفني هترجع تكلمني، لإنها مكانتش مرتبطة بيا علشان أنا بغني وعلشان الناس بتحب صوتي.. هي كانت مرتبطة بمينا وشخص مينا ككل، الحلو والوحش فيه، مش الحاجات الحلوة بس".

وكان مينا عطا، دائم الحديث عن حبيبته في الأكاديمية مع زملائه، وعن قصة فراقهما، وعن تخوفه الدائم من أن تكون قد تزوجت أو ارتبطت بشخص آخر، وخصوصا بعد اشتراكه في برنامج "ستار أكاديمي 10" على عكس ما تحب، وكان زملائه يتعجبون دائما من إخلاصه الدائم لها.

وفي مرة أخرى، أثناء أحد دروس الأكاديمية والجلوس على كرسي الاعتراف والحديث عن رحلته مع الغناء، قال إنه خسر شخصية كان يحبها جدا، وكانت هناك خطوات جدية للارتباط الرسمي، ولكنها خيَّرته بينها وبين الغناء، لأنها كانت تخاف من المعجبات، موضحا أنه ضيع فرصة كبيرة من قبل لأجلها.

وأضاف مينا أنه استمر معها 6 سنوات، وتركا بعضهما، وهي إلى الآن حبه الأول والأخير، على الرغم أن ابتعادهما، وقتها، عن بعضهما مر عليه عام، موضحا: "أنا مش قادر أقول إني مرتاح ومبسوط وعملت اللي أنا عاوزه، ومش قادر أول إني عاوز أرجعلها، لأنها هي اللي اختارت البعد، وأنا عملتلها اللي هي عاوزاه.. كان ممكن تصبر عليا شوية، بس هي ماصبرتش".

وفي أحد أيام الأسبوع الرابع، خلال تواجده في "ستار أكاديمي 10"، وأثناء الاختبار الشهري لطلاب الإكاديمية، ألَّف "مينا" أغنية، وقال إنه يغنيها لحبيبته التي افترق عنها، وكانت أغلب كلماتها توسل لها أن تعود له، وأن تكون أما لأولاده".

وبعد أن انتهى من أداءه للأغنية، قال لأساتذة الأكاديمية: "أنا بتمنى البنت اللي حبتها 6 سنوات، وكانت هناك خطوات جدية للارتباط بها، ترجعلي تاني.. سبنا بعض بسبب الغناء.. وأمنية حياتي أقضي عيد ميلادي معاها".

وفي نهاية العام الماضي، وخلال عدة لقاءات تليفزيونية له، أعلن "مينا" أنه يدخل قريبا قصة ارتباط جدية، معلنا أنها نفس الفتاة التي تحدث عنها في برنامج "ستار أكاديمي".

وأعلن مينا عطا، منذ الساعات الأولى من صباح اليوم، عن ارتباطه رسميا بحبيبته التي كان يتمناها منذ سنوات، وخطبته لها، حيث نشر صورته معها عبر حسابه الرسمي على "إنستجرام"، معلقا: "فاكرين يوم ما غنيت في ستار أكاديمي، الايڤال الرابع بتاع الأمنيات، أغنية لا تروحى، وكانت أمنيتى إن البنت الوحيدة اللى حبتها فى حياتى ترجعلى ونكمل حياتنا سوا.. الحمد لله من نعم ربنا عليا النهاردة إني أقدر أقول إننا رجعنا لبعض واتخطبنا كمان، وفرحنا بإذن الله قرَّب".

وأضاف مينا، في تعليقه على الصورة: "أولاً عاوز دعوة حلوة منكم لينا، وثانياً هما كلمتين أحسن من ٢٠٠، علشان مبحبش أطول.. لو ليك هدف أو أمنية أو حلم، امسك فيه بإيديك وسنانك، وأوعى تقول مستحيل أو مش هيحصل، لأن ربنا كبير أوى، وعالم بنيتك وحالك، وبيديك دايما اللى انت محتاجه والمناسب ليك فى الوقت المناسب".

وختم مينا: "أما بالنسبة لعِشْرة الـ١١ سنة حب، واللى استحملتني كتير، ووقفت جنبى زمان كتيير أوي، قبل أى شهرة، وقبل كل حاجة، أيام ما كانت بجد الحياة سودة ومتقفلة في وشي، ومش عارف أحقق أي حاجة، أحب أقولك، إني لو لفيت الدنيا كلها، والله العظيم عمرى ما هلاقى زيك، وعمرى ما حبيت ولا هحب ولا عرفت الحب بجد يعنى إيه، غير معاكى.. إنتى كل حاجة فى حياتى.. بحبك".