بعد طرح رمضان أغنية "الملك".. جدل بين نشطاء "فيسبوك"

07:37 م | الأحد 05 أغسطس 2018

"رايحين لفين ده أنا الملك .. نادي الملوك مين فيكوا مشترك .. أثبت مكانك مسمعش صوتك .. دماغكوا شغالة بزمبلك" كلمات أغنية "الملك" لمحمد رمضان التي حققت ما يقرب من 2 مليون ونصف مشاهدة على اليوتيوب في أقل من 24 ساعة، والتي يقصد رمضان من كلماتها توجيه رسالة إلى كل منتقديه بأنه أصبح رقم 1 بدون منافس، وحققت الأغنية رواج على مواقع التواصل الاجتماعي.

وانقسم مستمعوا الأغنية ما بين مؤيد ومعارض لها، حيث قال أحد النشطاء: "للأسف إنت بقى عندك مرض الشهرة وداء العظمة مش كده يعني الأول كنت أحسن بكتير وكانت الناس كلها بتحبك كرهت ناس كتير للأسف فيك الشهرة بحب الناس مش بالفلوس والكام كليب فلوسك ممكن في لحظة متبقاش موجودة ووقتها هتندم جامد".

وأضاف آخر: "أنت داء العظمة ركبك وهيضيعك وغرورك هو نهاية مشوارك وتباهيك كل شوية بعربياتك وقصورك وكلابك وكتاكيتك ما هو إلا نقص".

ودون آخر: "إن كان محمد رمضان بيقول أنا الملك وبيقوإن ده لقب مش أكتر زي ما عادل إمام لقبه الزعيم فأحب أقوله طيب مش عيب تسرق لقب حد ليه تقله والناس هيا اللي لقبته مش هو اللي اختار لقبه زي حضرتك، إذا كان عادل إمام الزعيم فالملك هو فريد شوقي وكفى".

وفي السياق ذاته توالت التعليقات المؤيدة للفنان محمد رمضان قائلة، "استمرر كمان وكمان الناجح في البلد دي لازم يدوس بالجامد علشان حيتحط عليك من اللي مفكرين الدنيا دي بتاعتهم هما وعيالهم وبس انت واثق من نفسك".

وعلق آخر: "الثقة دي حياة تانية لوحدها عمر الفشلة دماغهم ما تعرف انت بتفكر في إيه أنت سابق زمانك بسنين كتيرة وطول ما سيرتك بتيجي بالحلو والوحش يبقي إنت عمهم وحارق دمهم وحتكسب الرهان يا رمضان".