بريد الوطن| مركب الموت
بريد الوطن| مركب الموت
يا مركب الموت عدينى للشط التانى
نجينى من زمن بتسعده أحزانى
غريب أنا هنا وهناك مكانى
بين الأحبة أبويا وأمى وخلانى
أقرب ما ليا هناك
ومن غيرهم أنا مين؟
دنيتى بعدهم هلاك
قفص بين قضبانه سجين
كل اللى هناك سبقنى
خد معاه من روحى حتة
فراقهم ف بحر الهم مغرقنى
ونجاتى يا موت ف إيدك انت
ضاقت ف عيونى الدنيا البراح
وجراح بترمينى لجراح
راحتى يا موت مع اللى راح
هتودينى ليهم إمتى؟
مصطفى سيد عبدالسلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
