السيسي يعترض على إكمال التحول الرقمي في 6 سنوات: "4 كفاية"

02:58 م | الأحد 29 يوليو 2018

علق الرئيس عبد الفتاح السيسي على ميكنة الدولة والتحول الرقمي طبقا لخطة هيئة الرقابة الإدارية، وقال لوكيل الهيئة اللواء أكرم عبد الباسط: "لو كنت بتتكلم عن بورسعيد وهتخلصها في 2019 أومال حاتخلص بقية الدولة إمتى؟".

وأضاف السيسي، خلال حديثه بجلسة "المشروع القومي للبنية المعلوماتية للدولة"، باليوم الثاني لمؤتمر الشباب، المقام بجامعة القاهرة، "إحنا عاوزين نحط توقيتات ملزمة، ولينا لقاء تاني وهنتكلم في التوقيت اللي هتطرحوه وهتقوله خلال شهر أو اتنين، ولو كنت بتقول هتعمل بورسعيد كلها على نهاية 2019.. أومال الدولة كلها إمتى؟".

وقال المهندس خالد العطار نائب وزير الاتصالات إن "بورسعيد ستصبح نموذج نقدر ننشره، وبعد كدا هنديه لشركات خاصة والتحول الرقمي لمصر كله هياخد 6 سنين".

ورد السيسي "6 سنين كتير أنا مقدرشي أستنى أكتر من 4 سنين للدولة المصرية كلها".

فرد عليه العطار: "نعملها في 4 سنين يا فندم"، ورد السيسي: "وكل الدعم ليكو جميعا لأننا هنبقى في منطقة تانية خالص لو قدرنا نعمل ده بالشكل اللي بنتمناه لكل الدولة المصرية".

ورد العطار: "اللي تؤمر بيه يافندم".. فقال له السيسي: "سنتين.. هو ده اللي أمر بيه".