بريد الوطن| طينة واحـدة
بريد الوطن| طينة واحـدة
مخلوقين من طينة واحدة
والخالق خلق من الشبه أربعين
هبسطهالك وواحدة واحدة
انتى واحد وأنا التسعة وتلاتين
وبينا كل حاجة بتتفق وزى ما إحنا
نضحك الضحكة تشوفها مقسومة على اتنين
نظرة عيونك وملامحها
بدر فى ليل طويل
الرمش يحضن جفنك
وأنا بردان ف عز الليل
لا هان عليكى بردى
ولا هان عليكى تضمينى
أصل الدفا منك بيسرقنى
لما تهمسى يا نور عينى
وسكر الخمر من خدك
لا أنا حِملك ولا أنا قدك
اسقينى وعلى مهلك
ده أنا عاشق ملامحك
شفايفك مسك وعنبر
ومحراب عشق منور
شفايفك نبيذ محرم
على كل عاشق مغرم
شفايفك للى يصون
واللى يعرف يكون شبهك
ملامحى من ملامحك سكر
فهد الجارحى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
