بريد الوطن| المسطول والمول
بريد الوطن| المسطول والمول
قالوا فاتن حمامة اندفنت
يلّا اطلع على عضم سينمتها بالمول!!
أصل المول ده بيتباع فيه كل حاجة
من الفول، للعقول، لجلد العجول!
قلت أنا مش مصدق!
كل غالى بالرخيص كده يتباع، وهو كده معقول؟!
مَدوا أطفال الهرم إيدهم بأطباق فيها قلوبهم
عليها تيكت تسعيرة برقم مهول!!
وجرس المزاد بيضرب بين الخواجة وطويل العمر
وهاه مين يزود، مين يقول؟
قلوب الملايكة كانت بتصرخ
لكن الكل مسطول بأوكازيون المول!
ومش عارف إنه هو وولاده بضاعة
وهييجى دورها.. المسطول!!
سيف الأمير
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
