بريد الوطن| جواب
بريد الوطن| جواب
ابعتى لى جواب يا غالية
طمنينى على الولاد
لسه برده الموجة عالية
وهننتصر رغم العناد
نفسى أطمّن عليكم
لسه واقف ع الحدود
باحمى بلدى يا ناس وعرضى
وناس كتير ماسكة بإيدها البارود
سلمى لى ع الواد محمد والبت آية
وحياة عنيك لازم أصمد للنهاية
بس والله بإذنه راجع
رغم كل يا ناس مواجع
هى سينا يا خلق لينا
سكنوا ليه فيها الذئاب
ده احنا ياما الدم سال
عشان يا ناس حفنة تراب
والله حالف إنى ما أرجع
إلا لما آخد بتارك
ما أنت بلدى واللى ييجى فى يوم عليك
لازم يدوق يا غالية نارك
خالد مصطفى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
