بريد الوطن| التعلب فات
بريد الوطن| التعلب فات
الدم الطاهر حررنا
ورواكى يا سينا وطهرنا
ومحينا الليل جبنا نهارنا
والشمس تلاغى ف قمرنا
وف عز نهار قمنا عبرنا
وكسرنا الخوف.. أيوه كسرنا
ورايتنا ترفرف فى العالى
وغنايا لبلدى بيحلالى
ولا شبر هاسيبه من أرضك
ولشرفك صاين آه وعرضك
وف عز سهادك آه ومرضك
بدراعى هاضمك واحميكى
وهاطبطب قلبك وأراضيكى
واِن مس عدوى أراضيكى
بسنانى هاقطع مصارينه
جنونتى تجنن مجانينه
البطل المصرى وعارفينه
على مر تاريخه وسنينه
ف الشدة تملى الرجالة
ف السلم بننصب سقالة
وإيدين عرقانة وشغالة
ف الحق ما تسكتنا قوالة
للظلم ما نحنى لضهورنا
والنيل يسقينا وطهورنا
ونلملم ف الضعف كسورنا
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
