بريد الوطن| شهرزاد
بريد الوطن| شهرزاد
ألف ليلة وكل ليلة
من خيال حكايات طويلة
من جبال وكهوف وغول
من جميلة تبات تقول
شهرزاد العصر ده علشان تعيش
مش هتحكى كل ده وخيال مفيش
شهرزاد فى البيت حبيسة
ولا بره البيت طبيبة
أستاذتنا والأديبة
أيوه أكتر من كده
شهرزاد العصر ده
شهرزاد أمك وأختك
شهرزاد ما هى بنتك
ليه بتستكتر عليها تبقى جنبك
هى جارتك هى فى المكتب زميلتك
ليه بتزعل لما تبقى لك معيدة
ولا فى المصنع مديرة تكون جديدة
ولا فى المعمل نتايج بحثها دايماً أكيدة
ولا أكتر من كده
شهرزاد العصر ده
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
