بريد الوطن| اتغيرنا
بريد الوطن| اتغيرنا
بالرخيص بعنا مبادئنا
ف بحور أطماعنا غرقنا
الإخلاص خلاص فارقنا
والاسم بنى آدمين
عن بعضنا اتغربنا
المصلحة بس اللى بتقربنا
المر لبعض شربنا
وعلى جراح بعض عايشين
اللى عنا ف غياب
فيهم تملى نغتاب
ف لحمهم نغرز الأنياب
نبتسملهم وإيدينا بدمهم متحنيين
لابسين توب الوفاء
وقلوبنا بتتنفس نفاق
والمكر اللى جوانا فاق
مكر الأبالسة والشياطين
قلوبنا اتحولت رخام
بقى بينها وبين القسوة غرام
مع إننا ما بنبطلش كلام
عن المبادئ وف الدين
مصطفى سيد عبدالسلام - الدلاتون - منوفية
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
