"زاوية" تنقل مقرها إلى سينما "كريم" بوسط البلد
![سينما زاوية](https://watanimg.elwatannews.com/image_archive/840x473/7816194121528456811.jpg)
سينما زاوية
قررت إدارة سينما زاوية نقل مقرها من سينما "أوديون" إلى سينما "كريم" بوسط البلد، وذكرت الإدارة عبر حسابها على "فيس بوك"، سبب تغير مقرها بعد 4 سنوات من افتتاحها، "في الفترة الأخيرة كُنا بنواجه مشاكل وصعوبات في سينما أوديون، وكُنا دايماً بنحاول نحلها من غير ما تأثر على المستوى اللي انتم متعودين عليه من زاوية، ولكن مع زيادة المشاكل والصعوبات بدأ يوضح لنا إننا محتاجين ندور على حلول طويلة المدى، ونعيد توجيه طاقتنا وفكرنا في اتجاه مختلف واكثر إيجابية".
وأضافت: "في فعاليات سابقة لزاوية زي البانوراما وأيام القاهرة السينمائية قمنا بعمل عروض في سينما كريم وده خلانا مُلمين بمميزات المكان ومشاكله وعلشان كده حالياً وبالتعاون مع شركة نيو سنشري وأفلام مصر العالمية بنقوم بتجديدات وتطويرات كتيرة في سينما كريم بما فيها إعادة تصميم القاعات علشان نقدر نقدملكم تجربة مشاهدة تستمتعوا بيها، وهيكون معانا قاعتين مش قاعة واحدة وده هيساعدنا إننا نعرض أفلام اكتر ونقدم لكم برنامج متنوع عن قبل كده وكمان هيكون عندنا مساحة إننا نقدم فعاليات اكتر بجانب برامج الأفلام".
وذكرت الإدارة: "في كريم وعلى عكس أوديون الإدارة الكاملة للمكان هتكون تحت فريق زاوية وده هيدينا مساحة أوسع لتطبيق معايير للجودة كنا دايماً بنحاول نطبقها في أوديون ومكناش بنقدر نتيجة للصعوبات الإدارية".