عمرو سعد يوضح أسباب خروج مسلسله "بركة" من الموسم الرمضاني
عمرو سعد
أكد الفنان عمرو سعد على خروج مسلسله "بركة" من الموسم الرمضاني هذا العام، موضحًا أسباب انسحابه من رمضان.
حيث كتب عبر حسابه الشخصى "فيس بوك"، "أنا نفسي أكون معاكم في رمضان السنة دي.. بس الظاهر إني اتضرب عليا نار، بس أنا عاوز اقولكم إن اللي بيعيش في القلوب مايموتش أبدا.. وبركة زي الدهب قيمته فيه وراجع بحجم الحب والثقة والاحترام المتبادل وقريب هاقولكم علي كل التفاصيل علشان الكلام كتير والإشاعات أكتر".
وأضاف، "أنا عمري ما تاجرت بمعاناة وإلا اتكلمت عن نجاح ولا تباهيت بشهرة لأني مؤمن من أول يوم طلعت علي أفيش أول أفلامي أن بطل الناس واحد منهم ودعيت ساعتها من ربنا أني ما اتغيرش واظن ربنا استجاب علشان أفضل طول عمري شايف بعيونكم وحاسس زيكم".
وتابع حديثه: "أنتم تاجي وأهلي وعزوتي وناسي وحمايتي ضد اَي قوة بتفكر توقفني ... الصدق بيوصل والأفضل بيعيش ويستمر ويلاطم الزمن بكل بلاويه.. الحمد لله على كل شئ والشكر ليكم وكل سنة وأنتم طيبين".