رحلات للخارج بالتقسيط: «صيّف فى فيينا.. وشتّى فى باريس»
رحلات للخارج بالتقسيط: «صيّف فى فيينا.. وشتّى فى باريس»
- الشركات السياحية
- برامج سياحية
- برنامج الرحلة
- بنوك حكومية
- تسهيل إجراءات
- خارج البلاد
- دول أوروبا
- شركات السياحة
- شركة سياحة
- الشركات السياحية
- برامج سياحية
- برنامج الرحلة
- بنوك حكومية
- تسهيل إجراءات
- خارج البلاد
- دول أوروبا
- شركات السياحة
- شركة سياحة
تخطت أحلام معظم الشباب حدود الوطن، وربطوا سعادتهم بالسفر إلى خارج البلاد ولو لرحلة قصيرة تستنزف منهم أموالاً طائلة، وهو ما دفع بعض شركات السياحة لتقديم عروض للسفر إلى الخارج بالتقسيط المريح على مدد متفاوتة تبدأ من 6 أشهر وتصل لـ24 شهراً، بعد دفع مقدم يتحدد وفقاً لرغبة المقبل على السفر.
«من بكرة هتلفّ أوروبا كلها من غير ما تشيل همّ الفلوس»، هكذا روّجت شركة سياحة لبرامجها المختلفة للسفر إلى معظم دول أوروبا مثل باريس، أمستردام، روما، برشلونة، فى فصل الشتاء، حيث يتحدد سعر الرحلة وفقاً لعدد أيامها، بحسب مارينا كمال، مسئولة بإحدى الشركات السياحية.
«رحلة 5 أيام بسعر 18 ألف جنيه، والـ10 أيام بـ26 ألف جنيه، فى البداية الشخص بيحجز الرحلة ويدفع المقدم اللى عايزه ويقسط الباقى، وده بيكون على حسب نظام البنك اللى احنا بنتعاقد معاه عشان تسهيل إجراءات السفر. إحنا متعاقدين مع بنوك حكومية وخاصة».
«مارينا» أوضحت أن السفر يتم على مجموعات، تضم المجموعة الواحدة 25 فرداً، يقودهم مشرف سياحى مسئول عن برنامج الرحلة والزيارات بالخارج، ويصطحبهم إلى الفنادق الخاصة بهم.
«التقسيط خلى ناس كتير ماتشيلش هم السفر بره مصر. بيدفعوا مقدم 2000 جنيه، وكل ما يبقى معاهم فلوس يسددوا الباقى، أو عن طريق البنك»، تقولها «مارينا»، موضحة أن الشركة تقوم أيضاً برحلات صيفية إلى «بودابست، فيينا».
ريمون منير، يتعاقد مع بعض الشركات السياحية، لتنظيم برامج سياحية فى «قبرص»، أكد أن هناك إقبالاً كبيراً من الشباب على السفر لـ«قبرص» بالتقسيط فى الفترة الأخيرة: «بنظم رحلات للقدس وقبرص.
الرحلة الـ8 أيام لقبرص بتتكلف نحو 11 ألف جنيه، بفتح باب الحجز من بدرى عشان الناس تدفع اللى تقدر عليه، وتقسط الباقى لحد ميعاد الرحلة».
