لم يمنعها الحمل من المشاركة في الانتخابات.. مي: "مستعدة أعمل أي حاجة"

05:13 م | الاثنين 26 مارس 2018

رغم حملها في نهاية الشهر الثامن، حرصت مي شعبان، والتي تعمل مرشدة سياحية، على الحضور إلى مدرسة الشهيد النقيب محمد محمود عبدالعزيز بالهرم، للإلاء بصوتها مصطحبة ابنتها الصغيرة، وطفلها الذي في أحشاءها، للتصويت للمستقبل على حد قولها.

"رغم شعوري بالتعب والإرهاق، إلا أنني أصريت على الحضور، لإيماني أن مصر تعيش أسعد لحظاتها، دولتنا يتم وضعها على الخريطة من أول وجديد" تقول مي، مضيفة: كان عندي استعداد لتأجيل موعد الولادة لو تتطلب الأمر ذلك، عشان بلدي أعمل أي حاجة، إيه يعني تعبانة بسبب الحمل، واحنا عندنا شباب زي الورد، واقف على الحدود، وبيحاربوا في سيناء وبيفدوا بلدهم بأرواحهم. وتضحك قائلة: احنا التلاتة جايين ندي صوتنا لمصر، أنا وبنتي وطفلي اللي لسه مشافش النور.

وتابعت: "ده يوم كنا منتظرينه بفارغ الصبر، وبعلم بنتي يعني إيه وطنية وحب البلد، وبالعند في الإخوان نازلين ومش خايفين، أنا متأكدة إن الخير جاي، وفي إنجازات موجودة على أرض الواقع ومشروعات تنموية، وستعود السياحة كما كانت، مصر كبيرة أوي وعمرها ما تقع زي الدول اللي حوالينا".