مفاجأة «السيسى» فى «عيد الأم»: «بحذَّر الحكومة ممكن فجأة تبقى كلها سيدات»
الرئيس خلال تكريم السيدة ليندا سليمان
جدَّد الرئيس عبدالفتاح السيسى احتفاءه بتضحيات ودور المرأة المصرية، وأكد استمرار جهود الدولة لتمكين المرأة من كامل حقوقها وتكريمها بما تستحقه من تكريم، وقال فى كلمته باحتفالية تكريم المرأة المصرية والأم المثالية، أمس: «أنا بحذَّر الحكومة، ممكن فجأة تلاقوا الحكومة كلها بقت سيدات، وأتمنى أكتر من كده.. وستحيا مصر بتضحيات المرأة».
وكرَّم الرئيس الأمهات المثاليات، ومنحهن وسام «الكمال» تقديراً لهن على العطاء والتضحية، كما تم تكريم بعض الفئات التى تحظى باحترام وتقدير المجتمع، مثل الأم المعاقة، وأم الأبناء من ذوى الإعاقة، والأم البديلة، وأمهات شهداء القوات المسلحة والشرطة، كما تم تكريم ليندا سليمان، ناظرة إحدى المدارس، باعتبارها واحدة من رواد التعليم.
الرئيس: «محتاج كل سيدة تنزل تشارك فى الانتخابات.. ولازم الناس كلها تبقى موجودة حتى لو قالوا لأ»
وأوضح أن «الإجراءات الاقتصادية الصعبة التى اتخذتها الدولة كانت حتمية ولا خيار فيها»، مضيفاً: «محدش أبداً هيبقى عايز يؤلم أهله أو يقسو عليهم أو يعرّضهم لظروف صعبة، إلا إذا كان هدفه ما يخلّيش وطنه بشكل لا يرضيهم»، وخاطب المرأة المصرية بقوله: «وقفتم جنب مصر، وأنا لسّه محتاجكم علشان المشوار لسّه ما خلصش، ومُصرّين إن بلدنا تاخد مكانها اللى يليق بيها وسط الأمم»، مطالباً بالوقوف تحيةً وتقديراً لـ«عظيمات مصر».
وتابع: «كلامى عن الست المصرية لا ينتهى، وده مش مجاملة ليهم، وخلال الـ5 سنوات اللى فاتوا محدش هيجامل بدمّ أولاده أو أزواجه، وخلال الفترة دى التقيت أسر الشهداء، وأقسم بالله لم أسمع كلمة واحدة من أُم أو زوجة شهيد فيها أى شكل من أشكال الملامة، ولم أصادف سيدة مصرية معترضة على فقدان ابنها أو زوجها شهيداً ضمن شهداء مصر، لأنها كانت دايماً شايفة مصر».
وقال «السيسى» للمصريين: «من فضلكم اتحمّلوا وقدّروا وتأدبّوا مع كل ست وبنت، ده مش تفضُّل، ده تقدير وعرفان مننا، لأن ليهم حق كبير عندنا»، مطالباً السيدات بالمشاركة فى الانتخابات الرئاسية والنزول للجان التصويت، متابعاً: «محتاج كل سيدة وأُم وأخت، من فضلِك، محتاج الدنيا كلها تشوفنا فى الشارع، قولوا ما شئتم، المهم انزلوا». وأضاف: «فيه ناس كتيرة بتاكل كتاف مصر، وده ما يقفش قدامه إلا شعب مصر، مش أنا ولا الجيش ولا الشرطة، لازم الناس كلها تنزل الانتخابات، حتى لو قالوا لأ».
يقبل رأس إحدى الأمهات المثاليات