مرتضى منصور عن هزيمة الزمالك: "أنا حزين.. النادي بيتدمر"

10:15 م | الأحد 18 مارس 2018

قال المستشار مرتضى منصور، رئيس نادي الزمالك، إن خسارة فريقه من ديتشا الإثيوبي، في دور الـ32 من بطولة الكونفدرالية، "أمر طبيعي"، لافتًا إلى أن الأسباب تؤدي إلى نتائج، حيث إنه وفر 200 مليون جنيه للنادي، بينما رئيس الأبيض السابق أهدر مليار جنيه، وفقًا لتقارير الرقابة الإدارية، ثم حجز على ممتلكات النادي في كل البنوك.

أضاف منصور، خلال مداخلة ببرنامج "الطريق إلى الاتحادية"، عبر فضائية "أون لايف"، مساء الأحد، "العيال مش عارفين ياخدوا مكافآت فوز المباريات اللي فاتت، وأنا اللي دفعت فلوس الحكام وإقامتهم وتذاكر طيرانهم، اللاعيبة لم بتحس إن مفيش فلوس الوضع بيتغير بعدما ما كانوا بياخدوا فلوسهم أول بأول، كنت عارف إن النتيجة دي هتحصل".

وتابع عضو مجلس النواب ورئيس الأبيض: "أنا حزين.. نادي الزمالك بيتدمر، مينفعش يتعمل في الزمالك اللي بيحصل ده، وأنا حذّرت بالأمس في مؤتمر صحفي".