بريد الوطن| لازم نضحك
بريد الوطن| لازم نضحك
- راضى على الطهطاوى
- الباي
- البعد
- لازم نضحك
- دروب الدنيا
- حيطان القلب
- سر الفرحة
- محسش حر وكتمة
- راضى على الطهطاوى
- الباي
- البعد
- لازم نضحك
- دروب الدنيا
- حيطان القلب
- سر الفرحة
- محسش حر وكتمة
لازم نضحك
لجل ما نقدر
جُوَّه دروب الدنيا نعيش
رغم الشرْخ الساكن
كل حيطان القلب
ناخر فينا بقسوة ودب
فارد ريحه براحته
ف باحته
داسس سر الفرحة
ف ساحته
ومالى مطارح
طارح غصن المر وشب
رغم حبال مفتولة بتخنق
طلة نجم برىء
رغم الغربة الباينة
ف لمحة حُب جرىء
رغم الغدر الجاى من صاحب
غنوة حزاينى بلحن مصاحب
توصف حالة
لعاشق.. داب.. حَب
رغم الموت الخاطف أغلى حبايب
خُبز الكدب
المتغمس جوه كلامنا ودايب
طول البعد الفاصل بينَّا وبين الغايب
مين ف الدنيا ماشفش العتمة؟!
مين دا محسش حر وكتمة؟!
راضى على الطهطاوى - سوهاج
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
