بريد الوطن| الشحات بركات
بريد الوطن| الشحات بركات
قوموا ولفوا الأرض بحالها
وخشوا شمال أو خشوا يمين
مش هتلاقوا أبداً زيُّه
خد إرهاب الكون بالحضن
يفدى زمايله البنى آدمين
فوق الكتف يشيله مشوار
لحن الموت فى ودانه يطن
شمس الكون وقفت بفخار
هدِّت خطوة تشوف الجن
الشحات بركات ده حوار
حَضَن الموت ولا خاف ولا كنّ
قالوا عليه ده صغير السن
فاتحة الدنيا ليه دراعات
يفدى الدنيا يعيشوا إخواته
حضن الموت بجراءة ومات
عاشوا أصحابه وعاش وسطيهم
اللى استشهد عمره ما مات
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
