بريد الوطن| هكون «خديجة»
بريد الوطن| هكون «خديجة»
احكى تانى واحكى تالت
هات ما عندك قول وفضفض
ارمى حملك فوق كتافى
واخلع الأحزان ونفض
عن سنينك كل همك
سبنى أعيش لك زى أمك
هتلاقينى تملى جنبك
مستحيل أبعد أو أرفض
هقدر إنى أكون حبيبة
وأبقى منك مش غريبة
مش هتبقى حتى عيبة
إنى أكون لك حيط بيسند
هبقى ضحكة ليك ف فرحك
وأبقى إبرة تلم جرحك
مش هخاف منك وأصارحك
حتى لو فكرت تبعد
هبقى دايماً لك خديجة
حتى وانت مش محمد
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
