بريد الوطن| ثرثرة فوق الحبل
بريد الوطن| ثرثرة فوق الحبل
أنا المخنوق وتوقيعى مشرف فوق
وهركب قطرى م الدنيا ونازل تحت
صوابعى العشرة حطيتهم فى قلب الشق
ورب الكون نفخ صورتى وماشية ب زق
ساعات تدينى تفرحنى
ومرة تدور تدوخنى
بقولة لأ
تطلع فى زرابينى وتخنق خنق
على الهامش ب ترمينى وعندك حق
ودكانة صراخ قولى مقفلها
ولابس خوفى ب كفوفى
فقدت النطق
يا دنيا تشوطى ف العارضة وجون فاضى؟
وفاكرانى كده معارضة ولابس وشها وراضى
ما دام راضى بتكميمى واخاف م الحق
أنا يا حبيبتى استاهل أكون كورة
يشوطوها برجليهم واستاهل كمان الشنق
ما دام راضى بكوز مرمى ونازل نحت
أنا المخنوق وتوقيعى هينزل تحت
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
