محمد رشاد يحتفل بعيد ميلاد خطيبته بـ"تورتة ودبدوب"
محمد رشاد يحتفل بعيد ميلاد خطيبته بـ"تورتة ودبدوب"
احتفل الفنان محمد رشاد، بعيد ميلاد خطيبته المذيعة مي حلمي، بمفاجأة أعدها لها، وكتبت مي: "أقولكوا بقى عشان نتصور الصورة دي حصل إيه؟.. حاول يعمل أول مرة مفاجأة وفشلت بصوت اللمبي، عشان الناس اتذاكت كالعادة وبوظت له المفاجأة".
وأضافت حلمي، معلقة على صورة نشرتها لهما عبر حسابها الشخصي على "إنستجرام": "الكلام ده بقالوا يومين بيحاول يعمل عيد ميلاد على غفلة وتفشل.. النهارده اتصلوا بيا في البيت عشان يجبوني قالولي كلبتك بتموت.. طيران وعياط روحت على البيت ولقيت المفاجأة وهسبلكوا تتخيلوا الباقي لحد ماخدنا الصورة دي".
وتابعت المذيعة: "كل سنة وأنت اللي طيب وكل سنة وأنت غالي وعالي.. ماحدش بيستني من الناس اللي بيحبهم حاجة.. ملحوظة: مالناش في شغل الدباديب بس هو متعود يجبلي من كل بلد (تيدي بير) عشان أكمل المجموعة".
