بريد الوطن| انت غيرهم
بريد الوطن| انت غيرهم
صدقيهم لو قالولك
إنى بالعب بالمشاعر
وإنى شاطر فى الحكاية
من شطارتى طلعت شاعر
وإنى عارف قبلك انت
ييجى دستة من البنات
وإن نص كلامى ليكى قولتهولهم بالساعات
وإنى بانسى الذكريات
وإنى كنت سنين طويلة
باقعد أكدب فى الكلام
وإنى لما زهقت منهم
رُحت قلتلهم سلام
وإنى جارح فى القلوب
لكن اوعى تصدقيهم لو قالولك مش هاتوب
أصلى تُبت لما قلت لنفسى دايماً أكون معاك
أصلك انت مش مجرد بنت عادى
لأ ملاك
يبقى مستحيل أسيبك
زى يوم ما قدرت أسيبهم
متخافيش من حد منهم
انت غيرهم
حسام زين الدين
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
