السيسي: الرواتب ارتفعت لـ230 مليار جنيه.. و"بنستلف علشان الناس تقبض"

07:23 م | الأربعاء 17 يناير 2018

قال الرئيس عبد الفتاح السيسي، إن رواتب الموظفين في الدولة ارتفعت من 80 مليار جنيه في عام 2011 إلى 230 مليارًا تقريبا في الفترة الحالية.

وأضاف خلال كلمته في مؤتمر "حكاية وطن"، "إحنا ممكن نقول الرقم ده كده ومانقفش قدامه كتير، لو أنا بستلف 150 مليار جنيه، الفايدة من 15% لـ 20% خلال خمس إلى سبع سنوات الـ150 مليار يبقوا 300 مليار إحنا بنستلفهم، وبندفع الفايدة ومنقدرش نقف عشان الأجور تتدفع، عشان الناس مينفعش متقبضش، وهنفضل نستلفهم عشان الناس تقبض".

وتابع: "أنا بتكلم عن مرتبات بس الـ 150 مليار بيبقوا السنة اللي بعدها 180 وبتبقى 210، على آخر السنة بالمنظر ده هنبقى 300 مليار، والحل إن لو كان دخلي ألف وعليا 500 لازم يبقى دخلي 2000 ويفضل الرقم 500 برده".

وانطلقت الجلسة الافتتاحية لمؤتمر "حكاية وطن"، مساء اليوم، في أحد فنادق القاهرة، ويستمر لمدة 3 أيام مقبلة، يتم خلالها استعراض إنجازات الرئيس عبدالفتاح السيسي، وذلك بحضور عدد من الخبراء والمتخصصين في شتى المجالات.