بريد "الوطن"| وإيه يعنى
بريد "الوطن"| وإيه يعنى
تشوف الضحكة مدبوحة على جبينك
وتلقى الحزن متعطر على سنينك
وناس بايعاك وناس شارياك
وناس بتهد أحلامك وتدفنها
وأدامك وناس بتدوس على صبحك
وترمى الملح فوق جرحك
عشان ما يطيب
وإيه يعنى تعيش محنى
ما دام حلمك يكون سجان
وسجن تقضى فيه عمرك مالوش جدران
ومين يعنى حبس روحك
وقال إنسان بلاش تحلم بحرية
عشان بكره مالوش عنوان
أشرف الشناوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
