خالد دياب عن مي كساب: "اتشرفت بالشغل معاكي"

12:37 م | الأربعاء 03 يناير 2018

وجه خالد دياب مخرج فيلم "طلق صناعي" رسالة شكر إلى الفنانة مي كساب عبر حسابه على "فيس بوك"، قائلا: "أنا اتشرف إني اشتغلت معاكي وأحب جدا نشتغل مع بعض تاني".

وتابع دياب: "مي دورها كان كبير جدا في طلق صناعي يليق بقيمتها ونجوميتها لكن دخل علينا موسم رمضان والممثلين دخلو مسلسلات فاتأجل تصوير الفيلم، ومي كانت حامل فصورت مشاهد ليها وهي حامل في الشهر التاني ومشاهد وهي في السادس ومشاهد في التاسع، ونتيجة لما يسمى الراكور اللعين واجهنا مشاكل، أنا كنت شايف أدائها هايغطي علي الراكور بس كان في مشاهد واضح فيها جدا اختلاف الشكل فشيلت من مشاهدها وأنا بجد بتقتطع".

وأضاف: "أنا بتفرج علي الفيلم وسط الجمهور في مصر ودبي، كل ما مي تتكلم الناس تضحك فأنا قول لواحد من صناع الفيلم هو مكانش ينفع اسيبلها مشهد أو اتنين كمان، يقولي الراكور يا أستاذ، فعلا أنا والناس كان نفسنا مي تبقي أكتر في الفيلم بس عزائي الوحيد أن كل مشهد لمي في الفيلم الناس بتموت من الضحك خصوصا البنات والستات معرفش ليه، مي قلبها أبيض بجد ما زعلتش وساندت الفيلم لغاية آخر دقيقة وجت العرض الخاص هي و جوزها أوكا اللي سعيد إنه جه".

الفيلم بطولة ماجد الكدواني، حورية فرغلي، مي كساب، عبد الرحمن أبو زهرة، بيومي فؤاد، سيد رجب، سيناريو خالد، شيرين، ومحمد دياب، إخراج خالد دياب.