صاحب محل: قاتل «القس سمعان» اشترى منى سكينة كبيرة قبل الحادثة بساعات وقال لى «هاقطع بيها لحمة» ولما شفت الفيديوهات اتعرفت عليه
صاحب محل: قاتل «القس سمعان» اشترى منى سكينة كبيرة قبل الحادثة بساعات وقال لى «هاقطع بيها لحمة» ولما شفت الفيديوهات اتعرفت عليه
- الطريق الدائرى
- المحلات التجارية
- توك توك
- صاحب محل
- علاء يوسف
- مؤسسة الزكاة
- محل بيع
- مقطع الفيديو
- أبو
- أحمد عبدالله
- الطريق الدائرى
- المحلات التجارية
- توك توك
- صاحب محل
- علاء يوسف
- مؤسسة الزكاة
- محل بيع
- مقطع الفيديو
- أبو
- أحمد عبدالله
قال «أحمد عبدالله أحمد محمد»، صاحب أحد المحلات التجارية، فى أقواله إنه جاء ليشهد فى القضية، لأن المتهم اشترى السلاح المستخدم فى الجريمة من المحل الخاص به، واستمعت له النيابة وكانت أقواله كالتالى:
{long_qoute_1}
س: ما هى معلوماتك بشأن القضية محل التحقيق؟
ج: اللى حصل إن يوم الخميس جالى واحد اللى هو قتل القسيس نحو الساعة 5:30 أو الساعة 6 الصبح فى المحل بتاعى وطلب منى إنه يشترى سكينة فسألته عايزها فى إيه فقالى إنه عايز يقطع بيها لحمة فى البيت، فعرضت عليه سكينة فقالى لا دى صغيرة، فقلت له طيب نقى اللى يعجبك علشان أنا معلق السكاكين اللى عندى وعارضها على الحيطة فاختار سكينة اسمها عندنا الفيل مقاس 12 يابانى، فسألنى تمنها كام فقلت له 120 جنيه، فدفع وطلب منى إنى أسن شفرة السكينة وخدها ومشى، وبعد كده شفت فيديوهات وعرفت اللى حصل وعرفت إن هو اللى موت القسيس وجيت أشهد.
س: ومتى وأين حضر إليك المتهم تحديداً آنذاك؟
ج: الكلام ده حصل يوم الخميس ١٢-١٠-٢٠١٧ فى المدبح اللى اسمه مجزر الممتاز فى مؤسسة الزكاة بالمرج.
س: ما سبب ومناسبة تقابلك مع المتهم آنذاك؟
ج: أنا كنت موجود فى المحل بتاعى وهو جالى علشان يشترى سكينة.
س: من كان برفقتك آنذاك؟
ج: كان معايا عامل بيشتغل معايا بس وقت ما جالى الراجل دا كان يعبئ كولمان الميه من الخارج.
س: وما هى طبيعة عملك تحديداً؟
ج: أنا صاحب محل بيع سكاكين وسنان سكاكين فى المجزر.
س: وما هى مواصفات الشخص الذى حضر إليك آنذاك؟
ج: هو رفيع واسمرانى وحالق شعره أقرع.
س: وما هى تفصيلات الحديث الذى دار بينك وبين ذلك الشخص آنذاك؟
ج: هو جه طلب منى إنه يشترى سكينة فسألته عايزها ليه فقالى عايز أقطع بيها لحمة، فوريته سكينة فمعجبتوش، فقلت له نقى انت، ونقى السكينة وسألنى عن سعرها فقلت له، وبعدها طلب منى إنه أنا اسنهاله وبعدين خدها ومشى.
{long_qoute_2}
س: وما هى مواصفات السكينة التى قمت بعرض بيعها على ذلك الشخص آنذاك؟
ج: هى كانت سكينة قصيرة بيد خشب.
س: وما هو سبب رفض المتهم لشراء تلك السكينة التى قمت بعرضها عليه آنذاك؟
ج: هو مرضيش ياخدها علشان قالى إنها صغيرة وهو عايز مقاس أكبر فقلت له نقى انت.
س: وما هو وصف السكينة التى قام المتهم باختيارها وشرائها آنذاك؟
ج: هو خد سكينة اسمها الفيل مقاس 12 يابانى، ودى سكينة طولها نحو 50 سم وعرضها نحو 5 سم وإيديها خشب.
س: وما هو ثمن ذلك السكين الذى قام بشرائه المتهم آنذاك؟
ج: هو دفعلى 120 جنيه بس طلب منى إنى أسنها.
س: وهل قمت بتلبية طلب المتهم بهذا الشأن آنذاك؟
ج: أيوه أنا سنتهاله.
س: وما هى طريقة تغليفك للسكين الذى قمت ببيعه له آنذاك؟
ج: أنا لفيتهاله فى ورق بيج من بتاع الشكاير.. وقام المحقق بعرض مقطع الفيديو والمصور من كاميرا المخزن الخارجى لمحل الواقعة على الماثل فقرر أن الشخص الذى يحمل السكين فى ذلك المقطع هو ذات الشخص الذى قام بشراء السكين منه، وأن السكين الذى بيده هو ذات السكين الذى قام ببيعه له.
تمت الملحوظة.
س: هل الشخص الذى يظهر بمقطع الفيديو السابق عرضه عليك هو ذات الشخص الذى قام بشراء السكين منك حسبما جاء بشهادتك؟
ج: أيوه هو أنا متأكد.
س: وهل السكين الذى يظهر بيده بذلك المقطع هو الذى قام بشرائه منك؟
ج: أيوه هى.
س: وهل يوجد سابق معرفة فيما بينك وبين المتهم الذى يظهر بذلك المقطع؟
ج: لا أنا كنت أول مرة أشوفه.
س: وما هى المسافة التى تفصل فيما بين الحانوت خاصتك وبين النفق المسمى نفق أبوصير والذى يمد من أسفل الطريق الدائرى؟
ج: هو أنا المحل بتاعى بينه وبين النفق نحو 5 دقائق لو مكنة أو توك توك ونحو ربع ساعة مشى أو أقل.
س: وما هى الملابس التى كان يرتديها المتهم أثناء حضوره إليك أثناء الواقعة؟
ج: هو كان لابس نفس الجلابية اللى لابسها فى الفيديو.
